16+

Депутатлар да кушылды: Казанда Сабантуйга бүләк җыю йоласы уза

19 июня 2025, 15:17
422
0
0
Уку өчен 2 минут

Бүген Казанда 21 июньдә башкалада узачак милли бәйрәмебез Сабантуйга бүләкләр җыйдылар. Бүләкләр батырларга һәм Сабантуйда төрле ярышларда җиңүчеләргә тапшырылачак.

Депутатлар да кушылды: Казанда Сабантуйга бүләк җыю йоласы уза

Бүген Казанда 21 июньдә башкалада узачак милли бәйрәмебез Сабантуйга бүләкләр җыйдылар. Бүләкләр батырларга һәм Сабантуйда төрле ярышларда җиңүчеләргә тапшырылачак.

Дәүләт Советы Рәисе Фәрит Мөхәммәтшин һәм парламент депутатлары бу йоланы хупладылар һәм әлеге изге эшкә кушылдылар. 

 

Атлы арбаларның тантаналы йөреше шәһәребезнең үзәк урамнары – Кремль, Пушкин, Бауман, Островский, Мәрҗани һәм Һади Такташ урамнары буйлап узды. Дүрт арбаның берсе Муса Җәлил исемендәге Татар дәүләт академия опера һәм балет театрыннан кузгалып китте. Театр каршындагы мәйданда бәйрәм концерты булды.

 

Дәүләт Советы Рәисе Фәрит Мөхәммәтшин һәм парламент депутатлары исеменнән кунакларны һәм бүләк җыючыларны Мәгариф, мәдәният, фән һәм милли мәсьәләләр комитеты рәисе урынбасары Ирина Терентьева сәламләде. «Без сезнең белән Татарстанның күпмилләтле халкы традицияләрен саклыйбыз, – дип басым ясады Ирина Терентьева. –  Сабантуй – гасырлардан килгән, елдан-ел үз позицияләрен ныгыта һәм географиясен киңәйтә барган бәйрәм».

 

Ирина Терентьева акцияне оештыручыларга һәм халык йоласын саклауда катнашучыларга рәхмәт белдерде һәм бәйрәмгә махсус әзерләнгән фарфор ваза бүләк итте.

 

Сабантуйга бүләк җыю акциясен Дәүләт Советы Рәисе урынбасары Марат Әхмәтов, Дәүләт Советы Секретаре Лилия Маврина һәм парламентның башка депутатлары да хуплады. 

 

Ирина Терентьева, журналистларның сорауларына җавап биреп, халык гореф-гадәтләрен саклауның әһәмияте турында сөйләде. «Традицион кыйммәтләрне саклау безне көчлерәк итә һәм рухи яктан баета. Сез кешеләрнең бу нисбәттән  үз өлешләрен кертергә теләп, әлеге эштә никадәр ихлас һәм теләп катнашуларын үзегез күрә аласыз. Иң мөһиме – Татарстан Республикасында милләтара тынычлык һәм татулык саклана. Халык традицияләре белән очрашканда һәрберебез җылылык тоя, ә ышаныч һәм дуслык ныгый гына бара».

 

Җыелган бүләкләр Сабантуй мәйданнарында җиңүче батырларга бирү өчен Вахитов, Идел буе, Совет, Киров һәм Мәскәү районнарына тапшырылачак.

 

ТР Дәүләт Советы матбугат хезмәте

Кызыклы яңалыкларны күзәтеп бару өчен Вконтактега кушылыгыз. 

Язмага реакция белдерегез

0

0

0

0

0

Реакция язылган инде

Комментарийлар

Мөһим

loading