24 июня 2025, 03:22 #ФОТО

"Татмедиа" җитәкчелеге 8 март Халыкара хатын-кызлар көне белән котлады

«Татмедиа» Республика матбугат һәм массакүләм коммуникацияләр агентлыгы җитәкчесе Айдар Сәлимгәрәев Татарстан журналистларын, полиграфистларны, нәшрият хезмәткәрләрен 8 март белән котлады.

Скопировать ссылку

‹ ›

"Татмедиа" җитәкчелеге 8 март Халыкара хатын-кызлар көне белән котлады

«Сезне чын күңелдән гүзәл бәйрәм белән котлыйм. Бүген журналистлар ил һәм республика өчен катлаулы вазгыятьтә алгы сафта.

Республика медиаөлкәсендә һәрвакыт иҗади, талантлы, битараф булмаган, җаваплы кешеләр эшләде. Безнең журналистлар югары профессиональлек, яраткан эшенә тугрылык һәм газиз Татарстаныбыз һәм тулаем ил язмышына битараф булмаган мөнәсәбәт белән аерылып тора. Бу сыйфатлар киләчәктә дә сезнең көндәлек эшегезнең нигезе булыр дип ышанам.

Намуслы хезмәтегез, үз вазифаларыгызга җаваплы каравыгыз, зур иҗади фидакарьлегегез өчен сезгә чын күңелдән рәхмәт белдерәм. Республика массакүләм мәгълүмат чаралары саклансын, үссен һәм нәтиҗәле эшләсен өчен, без кулдан килгәннең барысын да эшлибез.

Барлык иҗади планнарыгызның тормышка ашуын, бетмәс-төкәнмәс илһам, барлык башлангычларда да уңышлар телим! Сезгә һәм якыннарыгызга сәламәтлек һәм иминлек юлдаш булуын телим»,- диде Айдар Сәлимгәрәев.