Яшьләр нигә кими?

2021 елда Татарстанда 31-35 яшьлек 970 894 кеше булган. Узган ел статистикасы күрсәткәнчә, 2024 елда республикада 31 яшьтән 35 яшькә кадәрге 694 736 кеше исәпләнгән. Шулай итеп, 12 ел эчендә алар 276 158 кешегә кимегән. 

14-30 яшь категориясендә шулай ук кимү күзәтелә, бары тик 2022 елда гына күтәрелеш булып ала. Бу яшь арадагылар күрсәткечләре түбәндәгечә: 2021 ел – 352 538 кеше; 

2022 ел – 367 446 кеше; 
2023 ел – 349 832 кеше; 
2024 елда – 324 600 кеше. 

Шул рәвешле, 2022 елның иң югары дәрәҗәсеннән санасак, Татарстанда 14 яшьтән 30 яшькә кадәрге яшьләр саны ике ел эчендә 42 846 кешегә, ягъни 12 процентка диярлек кимегән.

Статистикага караганда, 14-35 яшьлекләр арасында ике җенес вәкилләре саны да азая. 2021 елда бу яшьтәге ир-атлар 537 324 булган, хатын-кызлар – 535 544. Узган елда ир-атлар — 513 629, хатын — кызлар 505 707гә калган. Күрсәткеч 4,4 процентка һәм 5,5 процентка кимегән.