МХОда катнашучыларга ярдәм төрләре арта

Украинада бара торган махсус хәрби операциядә катнашучыларның һәм аларның гаилә әгъзаларының салымнар буенча бурычлары булган очракта да, аларга социаль ярдәм күрсәтеләчәк. Әлеге карарны парламентның 53 нче утырышында кабул иттеләр. 

Закон проектын депутатларга тәкъдим иткән республиканың хезмәт, халыкны эш белән тәэмин итү һәм социаль яклау министры Эльмира Зарипова билгеләп үткәнчә, канун МХОда катнашучыларга гына түгел, аларның әти-әниләренә, тормыш иптәшенә, 18 яше тулмаган балаларына да кагылачак.